قصتى معقده اوى حلوها معايا ارجوكم

[جمانه الحب]

ازيكم يا بنات

انا دى اول مشاركه ليا فى المنتدى

حسيت انكم اهل اوى مع بعض

فحبيت انشر مشكلتى يمكن الاقى حل

انا من تلت سنين كنت حبيت شاب هو محترم اوى

وانا والله محافظه اوى مكناش بنتقابل وكدا لا كان كلامنا كله محترم اوى

وهو كان بيحبنى اوى اوى

بعد وقت لما طلب من اهله انه يتجوز

اهله صمموا ع انه يتجوز قريبته

واضطر يتجوزها غصب عنه

يوم جوازه انا تعبت اوى ومكنتش عارفه انه بيتجوز فى اليوم ده

وبعدت عنه عشانها عشان مظلمهاش

وكمان بناء ع طلب منه مش عارفه ليه بس يمكن

عشان حاول يستقررر

المهم بعد فتره .. انا غبت اوى ومكنتش بشوفه ولا اىى حاجه

هو كان بيسأل عليا وانا مش عارفه انه بيسأل عليا

وكان بيعرف اخبارى

وبعدها بعتلى مسج قالى انه عمره ما نسى اللى كان بينا


وبجد هو انسان صادق اوى

وانا لغايه يومنا ده بحبه اووووووى

وحاسه انى بموت من غيره

اتقدملى كتير بس مش هقدر اظلم حد منهم واتجوز حد مش بحبه

مشكلتى مش عارفه اعمل فيها ايه
هو متجوز وعنده ولد ربنا يحفظه ليه

وبنحب بعض

كمان هو بقى مش بيقعد فى البيت لانه مش بيحب زوجته

بقى يشتغل اكتر من وظيفه عشان يبعد عن البيت بقدر الامكان

وبيرجع ع البيت بتاعه ع الساعه 2 بالليل ع النوم وخلاص

انا والله حيرانه اوى

بحبه وهو بيحبنى

والدنيا مش راضيه تقربنا

قولولى اعمل ايه

[خادمه الفردوس]

بصى فى كذا حاجه لازم افهمها
1- هو ناوى يطلق زوجته ويتجوزك؟
2- بتكلميه لحد الان؟
وليه طلب منك بدل بيحبك انك تبعدى عنه؟
ياريت تردى عليا فى كل الاشئله ديه الاول

[فراشة الرغد]

السلام عليكم ورحمة الله وبركاته
عزيزتي..
لانك كاختي.. ساكلمك بما ينفعك
اولا: لو كان يحبج ما كان تزوج من وحدة غيرج
ولو تحت ضغط اي من كان ماكان راح يتزوج غيرج
اهو رجل وقراره بيده
وهو قاعد يربط مصيرج بولا شي
بس يضيع عمرج على الفاضي
وهو عايش حياته مع زوجة واولاد
ويتسلى فيج ان في حد يحبه
ومتعلق فيه
ثانيا:حتى لو كان يحبج واهله غصبوه نفس مافهمج
خلاص اهو تزوج وعنده ولد
لا تلعبين بالحبل
ترضين وحدة تكلم زوجك مستقبلا
لازم خلاص تتركينه بدون رجوع
والله ان زوجته تكسر الخاطر
ثالثا:ذكري ربج وانتبهي لمستقبلج
لان اذا فات القطار ما بينفعج اهو
والله يوفقج اختي

[خادمه الفردوس]

اعتقد ان كل واحد وليه ظروفه لانه اتجوز من واحده مش بيحبها غضب من اهله ليه لالالاممكن
لاكن السؤال انه ناوى يطلقها ولا لا

[اسماء عبد العزيز]

بصى واضح من لهجتك انك مصرية يعنى بنت بلدى و اهلا بيكى فى المنتدى
ندخل بقى على المفيد : انتى بتقولى (وهو كان بيحبنى اوى اوى ) تفتكرى لو بيحبك بجد كان هيرضى انه يلمس واحدة غيرك ؟ تفتكرى انه كان هيعيش مع واحدة تانية غيرك لحظة واحدة ! >> ماشى هنعديها و نقول اهله غصبوا عليه ! تفتكرى فيه واحد فى الزمن ده بيتغصب على جوازة لو بنت كان ممكن اقول اه انما راجل و يتغصب على حاجة هوا مش عايزها ؟ ما اعتقدش و لنفترض انه اتغصب على الجوازة عشان ما يزعلش اهله تفتكرى حد بالشخصية ده لو كان اتجوزك و اهله كانوا "غصبوه " على انه يطلقك تفتكرى كان هيقول لأ... يعنى من الاخر ضعيف الشخصية !

تانى حاجة انتى بتقولى (وبعدت عنه عشانها عشان مظلمهاش

وكمان بناء ع طلب منه مش عارفه ليه بس يمكن
عشان حاول يستقررر ) >>>> اللى بيحب حد بجد ما بيقربوش منه وقت ما هوا عايز و يبعده عنه وقت ما وجوده مش مرغوب بيه فحياته . اللى بيحب حد بجد بيبقى عايزه جنبه طول العمر و بيقف فى وش الدنيا كلها عشان اللى بيحبه .

تالت حاجة بقى : سؤال انتى تحبى انك تكونى مكان مراته و مين عرفك انه حتى لو اتجوزك مش هيسيبك عشان واحدة تانية مش قادر ينساها برده !! على فكرة محدش قالك ان انتى هتنسيه نهائيا عشان ده طبيعى ايام و مرت بيكى بحلوها و بمرها مش مطلوب منك انك تنسيها بس المطلوب منك انك تعديها و تتجاهلى اللى حصل فيها عشان تقدرى تكملى حياتك

سيبيه لبيته و لمراته و لابنه اللى من حقه يطلع يلاقى بيت طبيعى فيه بابا و ماما

انا احيى فيكى ذكائك فى ان انتى مش بتداوى جرحك بجرح حد تانى

ابتدى حياة جديدة مع حد يكون شاريكى بجد و انتى تكونى متقبلاه بجد و ابعدى عنه و عن حياته نهائيا عشان ما تلاقيش فى يوم من الايام الرد ( كما تدين تدان )
تقبلى رأى اخت خايفة عليكى من انك تصحى فيوم من الايام على حقيقة مرة و هى انك ضيعتى كتير من عمرك على حد ما يستاهلش

[nanona]

حببتى متظلميش نفسك معاه حتى لو مش بيحبها فى ولد يعيش جنبه احسن ما يبعد وتتحملى ذنبه وصدقينى الحب قبل الجواز غير بعد هو مش هيفكر يطلقها وعايش دور المظلوم حتى لو هو كويس متظلميش نفسك والعمر يجرى بيكى حاولى تستقرى حببتى وتبعدى عنه

[dandana4h]

السلام عليكم ورحمه الله وبركاته


مشكلتك انك حبيتي اوى وهو مستغل الحته دى انه عارف مهما بعد هيرجع يلاقيكي وصدقيني لو كان ليكي نصيب معاه كنتي هتتجوزية لان ربنا كاتب انه يتجوزها هي

مساله ان اهله اجبروة دى اغنيه معظم الشباب

اهلي مش موفقين.... عايزني اتجوز قريبتي.... بابا عايزني اتجوز بنت صاحبه وفي كتييير بيتقال حجة يبعد بيها

هو مش بنت علشان يتحجج البنات دلوقتي مش بيتجوزو غصب عنهم قليل اوى لما تلاقي بنت اتجوزت غصب عنها

وحتي لو فرضنا انه غصب عنه قدر يتجوز ويعيش مع غيرك ويخلف كمان يبقي يقدر يكمل من غيرك انتي كنتي حب بس دلوقتي في زوجه انتي سابك بحجة ان اهله عايزين يجوزوة ومن غير ميجادل اتجوز انما مراته هيفكر الف مرة قبل ميسيبها لانها بقت مراته

انك مش قادرة تنسية دى بتقوليها لانك لسة بتحبي

بس والله مع الوقت هتبقي ذكرى

كتير بنات حبت ومحصلش نصيب وقالت مش هقدر اعيش بعدة ولا اتجوز غيرة

حب الخطوبة والجواز غير حب واحد مش بتربطك بية غير كلمة بحبك

صدقيني والله الكلام سهل بس الفعل هو اللي بياكد اذا كان بيحبك ولا لا

وحاولي تنسي اعتبريه سافر بعيد اوى ومفيش اى وسيلة اتصال بينكم حاولي تنسي وهتقدرى

وان شاء الله ربنا يرزقك بانسان يستهلك ويقدرك ووقتها هتعرفي ان اللي فات فااااااات مينفعش حتي انك تفتكرية ولو افتكرتيه هيبقي ماضي او ذكرى

متندميش علي حد باعك بسرعه ومتحاوليش تبني تاني احلام او حتي تفتكرى اشغلي وقتك متخليش في لحظة تفكرك بية

صدقيني كلامي دة عن تجربة واعذريني لو قلت كلام جامد بس والله لمصلحتك

دى نصيحتي ليكي وان شاء الله ربنا يوفقك في حياتك

[ريمانة]

اولا:
لو كان يحبك كان وقف في وجه اهله وحارب الكل عشانك..
ثانيا:
تقولين انو ارسلك رسالة معناها خااااااااان زوجته ..
ثالثا:
الحياة الزوجية اساسها الاحتـــــــــــــــــــــرام والحب ياتي بعدين
رابعا:
مااشوف قدم اي اثبات على حبه..
خامسا:
خلي مكانك مكان زوجته وغيرتها عليه وخافي ربك لو يحبك كان جاء من الباب..

كوني بود..

[عذب الليالي]

انا اجووف انج ظلمتي نفسج
وهو مرتااح ومستانس
هو لو مايحب زوجته جان ماياب منها ولد
انتي ظلمتي نفسج
انتي لازم تتزوجين الرجاال اللى يستحقج
ويحافظ عليج ويحبج ويبادلج الحب والحنان والعشره
اما هذا الحب اللى تقولينه هذا كلام فاضي
عطي زوجج الحب اللى تحملينه له
وصدقيني راح تنسينه مع الايام
في بدايه ىالامر راح يكون صعب
لكن بعدين راح يكون عادي
اسمعي كلامي
انسى الموضوع لانه رجال متزوج ولو مايحب زوجته ماجاب منها ولد
وهو يشتغل اكثر عشان الفلوس
انتي ادبي بدايه صح وتوبي حق الله
وربي راح يعوضج احسن منه

[ام الغاليين]

شوفي اختي انا رأيي من رأي البنات وصدقيني حبيبتي اذا كان فعلا يحبك كان مارضي يتزوج ولاكان خلف منها حرام تبنين سعادتك على تعاسة غيرك زوجته مالها ذنب وانتي ربي بيعوضك خير ان شاء الله ولاتنسين من ترك شيئا لله عوضه الله خير منه والله يعوض باللي يستاهلك ويقدرك وتكوني الوحيده في حياته

[حساسه]

عزيزتي

اولا الي كان بينكم من الاساس حرام !

وتانيا على قولة الاخوات البنت في هالوقت ماتتغصب على الزواج كيف الولد ؟؟؟

واخيرا حتى لو : يقول انه يحبك كيف ترضي تبني سعادتك على تعاسة غيرك ... ايش ذنب الولد يعيش بوضع نفسي مو تمام

طبعا من المشاكل اللي راح تسير بين اهله ...

والله ماابغى من هالاكلام القاسي الامصلحتك ولو اني ماني خايفه عليك مافكرت ادخل على الموضوع او ارد حتى

اتمنى تتراجعي وتتنتبهي لنفسك ولاتضيعي نفسك مرتين !

وهوا اصلا مخليكي على علاقه معاه بيتسلى فيكي وقت مايطفش !!!!!

احــــــــــــــــــــــــــــــــــــــــذري تتمادي معاه اكثر من كذا واقطعي علاقتك فيه فورا

ستر الله عليك بالدنيا والاخره

[bahar]

بلا حب بلا كلام فاضي لو كان يحبك من جد كان اتزوجك هاذي الايام صارو الاولاد هم الي يجبرو الاهل مو العكس
انسيه وعيشي حياتك ولو جاكي انسان كويس اتزوجي قبل لا تعنسي

[عروسه كول]

شوفي يا قلبي.....

اول شي انا في رأي انه الحب الحقيقي يجي بعد الزواج

مو معقوله انه يحبك الى الان لانه عايش مع وحد دايم معاه وكمان هي مو بس زوجته هي أم ولده كمان....

انا من وجهه نظري انك تخلي حبك في قلبك وتقفلي عليه بمفتاح

وتعيشي حياتك الباقيه

صحيح الفراق صعب بس في نعمه اسمها النسيان عشان بفضلها عاشو ناس كثيييييييييير

اتمنى انك ما تزعلي مني